ટામેટાંની દેખરેખ કરવા માટે દુકાનદારે રાખ્યો કિંગ કોબ્રા સાપ, જુઓ વિડીયો…

ટામેટાંના આસમાનને આંબી જતા ભાવ ગ્રાહકોના ખિસ્સા પર ભારે અસર જોવા મળી છે. જો કે, સરકારની તાજેતરની ટામેટાંના ભાવ ઘટાડવાની જાહેરાતથી રાહત મળી છે, પરંતુ ઘણા લોકો ટામેટાંનો વૈકલ્પિક રસ્તો શોધી રહ્યા છે. બીજી તરફ ટામેટાંના વધતા ભાવને લઈને ઘણા મીમ્સ, ફની ગીતો અને વીડિયો વાયરલ થયા છે. આ તમામ મીમ્સ, રમુજી ગીતો અને વિડીયોએ ઈન્ટરનેટ પર તોફાન મચાવી દીધું છે અને લોકો ટામેટાના ભાવમાં બેફામ ઉછાળા અંગે તેમના મંતવ્યો શેર કરી રહ્યા છે. હાલમાં જ ઈન્ટરનેટ પર એક અન્ય વીડિયો સામે આવ્યો છે જેમાં કિંગ કોબ્રા ટામેટાંની રક્ષા કરતો બતાવવામાં આવ્યો છે.

કિંગ કોબ્રા ટામેટા પર બેઠો

વાયરલ વીડિયોમાં કિંગ કોબ્રા ટામેટાની પાસે જમીન પર ક્રોલ કરતો જોઈ શકાય છે. જેવા કોઈએ ટામેટાં તરફ હાથ લંબાવ્યો કે તરત જ કિંગ કોબ્રાએ તેના પર હુમલો કર્યો. કિંગ કોબ્રા એક્ટિવ મોડમાં જોઈ શકાય છે. તે ટામેટાની પાસે બેઠો છે અને સામે હાજર લોકો પર નજર રાખી રહ્યો છે. થોડા સમય પછી કોબ્રા દિવાલ પર ક્રોલ કરે છે પરંતુ ટામેટાંનું રક્ષણ કરવાનું ચાલુ રાખે છે. ટ્વીટર પર ‘હંસના ઝરૂરી હૈ’ નામના એકાઉન્ટ દ્વારા શેર કરવામાં આવેલો વિડિયો ખૂબ જ જોવામાં આવી રહ્યો છે. આ વીડિયો જોઈને નેટીઝન્સ ખૂબ જ આશ્ચર્યમાં છે. આ વીડિયોને મોટાપાયે રીટ્વીટ કર્યો.

સોશિયલ મીડિયા પર ખુબ જ વાયરલ થઇ રહ્યો છે વિડિયો 

જો કે વિડિયોનો મૂળ સ્ત્રોત ચકાસી શકાયો નથી, તે બચાવનો એક ભાગ હોય તેવું લાગે છે જ્યાં કિંગ કોબ્રા ટામેટાંથી ભરેલા વિસ્તારમાં પ્રવેશ્યો હતો અને બચાવ ટીમ તેને બહાર કાઢવાનો પ્રયાસ કરી રહી છે. જો કે, આ વિડિયો એવા સમયે સામે આવ્યો છે જ્યારે ટામેટાના ભાવ ગંભીર ચિંતાનો વિષય બની ગયા છે, જેણે નેટીઝન્સ આશ્ચર્યચકિત કર્યા છે. 47 હજાર લોકોએ આ વીડિયો જોયો અને પોતાનો પ્રતિભાવ આપ્યો. વીડિયોના કેપ્શનમાં રમુજી સ્વરમાં લખવામાં આવ્યું છે કે, “ટામેટાંના વધતા ભાવને ધ્યાનમાં રાખીને, અમે અમારા કિંમતી સ્ટોક પર સુરક્ષા મૂકી છે.”