અમૃતસર એરપોર્ટ પર સતત બીજા દિવસે બે ફ્લાઈટ્સના 173 યાત્રી પોઝિટિવ

રાષ્ટ્રીય
રાષ્ટ્રીય

અમૃતસર એરપોર્ટ પર શુક્રવારે પણ વિદેશથી આવેલા બે ચાર્ટર્ડ ફ્લાઈટ્સમાં 173 યાત્રી કોરોના પોઝિટિવ મળી આવ્યા છે. એરપોર્ટ સૂત્રો દ્વારા મળતી માહિતી મુજબ બંને ફ્લાઈટ્સમાં 276થી વધુ યાત્રી સવાર હતા. આ તમામનું એરપોર્ટ પર રેપિડ એન્ટીજન ટેસ્ટ કરવામાં આવ્યા, જેમાં 173નો રિપોર્ટ પોઝિટિવ આવ્યો છે. જ્યારે અન્ય 103 યાત્રિકોના રિપોર્ટ હજુ આવવાના બાકી છે.

અમૃતસર એરપોર્ટ પર ગુરુવારે પણ રોમથી આવેલી ચાર્ટર્ડ ફ્લાઈટના 1790માંથી 125 યાત્રિકો પોઝિટિવ આવ્યા હતા.

દેશમાં આવતા તમામ ઈન્ટરનેશલ પેસેન્જર્સને 7 દિવસ સુધી હોમ ક્વોરન્ટીન રહેવું ફરજિયાત કરી દેવાયું છે. દેશમાં ઓમિક્રોનના વધતા કેસને જોતા સરકારે શુક્રવારે આ નિર્ણય લીધો છે. નવી ગાઈડલાઈન મુજબ યાત્રિકોએ 8માં દિવસે RT-PCR ટેસ્ટ કરાવવા પડશે. પોઝિટિવ મળી આવતા તેમના ટેસ્ટ સેમ્પલ જીનોમ સીક્વેન્સિંગ માટે લેબ મોકલવામાં આવશે.

વિદેશ આવતા લોકોએ ઓનલાઈન એર સુવિધા પોર્ટલ પર સેલ્ફ ડિક્લેરેશન ફોર્મ પણ ભરવાના રહેશે. તેઓએ ટ્રાવેલથી પહેલાં 72 કલાકની અંદર RT-PCR નેગેટિવ રિપોર્ટ પણ અપલોડ કરવાનો રહેશે. આ ગાઇડલાઈન 11 જાન્યુઆરીથી આગામી આદેશ સુધી લાગુ રહેશે.


  • Sign up
Lost your password? Please enter your username or email address. You will receive a link to create a new password via email.