રક્ષા મંત્રી રાજનાથ સિંહની તબિયત બગડી, દિલ્હીની AIIMSમાં દાખલ

કેન્દ્રીય સંરક્ષણ મંત્રી રાજનાથ સિંહને પીઠના દુખાવાની ફરિયાદ બાદ દિલ્હીના ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સ (AIIMS)માં દાખલ કરવામાં આવ્યા હતા, જ્યાં તેમની સારવાર થઈ રહી છે. ખરાબ તબિયતના કારણે રાજનાથ સિંહને એમ્સના ખાનગી વોર્ડમાં દાખલ કરવામાં આવ્યા છે. AIIMS મીડિયા સેલના ઈન્ચાર્જ ડૉ. રીમા દાદાએ કહ્યું કે તેમની હાલત સ્થિર છે અને નિરીક્ષણ હેઠળ છે, અને તેમના ટેસ્ટ પણ કરવામાં આવી રહ્યા છે. તેમણે કહ્યું કે, 73 વર્ષીય રાજનાથ સિંહને વહેલી સવારે દાખલ કરવામાં આવ્યા હતા અને તેઓ ખાનગી વોર્ડમાં છે. કમરના દુખાવાની ફરિયાદ બાદ તેમને એઈમ્સમાં લઈ જવામાં આવ્યા હતા. અહીં ન્યુરો સર્જનની દેખરેખ હેઠળ તેની સારવાર કરવામાં આવી રહી છે

તપાસ ચાલુ છે

IANSના અહેવાલ મુજબ રક્ષા મંત્રી રાજનાથ સિંહની તબિયત અચાનક બગડી છે. ગુરુવારે સવારે 3 વાગ્યે તેની પીઠનો દુખાવો વધી ગયો હતો. આ પછી તેમને એઈમ્સમાં લઈ જવામાં આવ્યા હતા. અહીં, ડૉક્ટરોની સલાહ પર, તેમને હોસ્પિટલના ખાનગી વોર્ડમાં દાખલ કરવામાં આવ્યા છે. રક્ષા મંત્રી એઈમ્સમાં ન્યુરોસર્જનની દેખરેખ હેઠળ સારવાર લઈ રહ્યા છે. હાલમાં હોસ્પિટલે કોઈ સત્તાવાર મેડિકલ બુલેટિન બહાર પાડ્યું નથી. ઉલ્લેખનીય છે કે રાજનાથ સિંહ ભારતીય જનતા પાર્ટીના વરિષ્ઠ નેતાઓમાંથી એક છે. તેઓ મોદી સરકારમાં બીજેપી અધ્યક્ષ અને કેન્દ્રીય ગૃહ મંત્રી પણ રહી ચુક્યા છે.