આસામમાં બાળલગ્ન સામે સરકાર દ્વારા ધરપકડ કરવામાં આવી

આસામમાં બાળલગ્નો સામે સરકાર દ્વારા મોટાપાયે ધરપકડો શરૂ કરવામાં આવી છે.જેમાં અત્યારસુધીમાં 2500 જેટલા લોકોની ધરપકડ કરવામાં આવી છે.બીજીતરફ ધરપકડના વિરોધમાં લોકો ધરણા પ્રદર્શન કરવા લાગ્યા છે જેમાં મહિલાઓ મોટી સંખ્યામાં ધરણા કરવા લાગી છે.આસામમાં ગત 1 તારીખથી બાળલગ્ન કરનારા પુરુષો કે કરાવનારા ધર્મગુરુઓ કે મૌલવીઓની સામે પોલીસ દ્વારા આકરા પગલા લેવામાં આવી રહ્યા છે.આમ આ ધરપકડની કાર્યવાહી 2026માં વિધાનસભાની ચૂંટણી યોજાય ત્યાં સુધી શરૂ રાખવામાં આવશે.બીજીતરફ લોકોમાં આ કાર્યવાહીને લઇને ભારે ગુસ્સો જોવા મળી રહ્યો છે.આમ જે જિલ્લાઓમાં વધુ પ્રમાણમાં ધરપકડ થઇ છે ત્યાં મોટી સંખ્યામાં મહિલાઓ ધરણા પ્રદર્શન કરી રહી છે.આસામ સરકારે 14 વર્ષથી ઓછી વયની કિશોરીઓ સાથે લગ્ન કરનારા પુરુષની સામે પોક્સો કાયદો અને 14 થી 18 વર્ષની વયની સગીરા સાથે લગ્ન કરનારા સામે બાળલગ્ન વિરોધી કાયદા હેઠળ ગુનો દાખલ કરવાનું શરૂ કરી દીધુ છે.જેમાં અત્યારસુધીમાં 5 હજારથી વધુ ફરિયાદો દાખલ થઇ ચુકી છે,જેમાથી 2500ની ધરપકડ કરવામાં આવી છે.આસામમાં બાળ-માતા મૃત્યુદર અન્ય રાજ્યો કરતા વધુ હોવાથી સરકારે આ કાર્યવાહી શરૂ કરી છે.