સ્કોર્પિયો અને ટ્રક વચ્ચે અકસ્માત, એક જ પરિવારના 6 લોકોના મોત

બિહારની રાજધાની પટનાના બખ્તિયારપુર પોલીસ સ્ટેશન વિસ્તારમાં એક દર્દનાક અકસ્માતનો મામલો સામે આવ્યો છે. અહીં નેશનલ હાઈવે પર મંગળવારે સવારે એક સ્કોર્પિયો વાહને રોડની કિનારે પાર્ક કરેલી કરને ટ્રકને ટક્કર મારી હતી. ટક્કર એટલી જોરદાર હતી કે સ્કોર્પિયો કારના ટુકડા થઈ ગયા હતા. કહેવામાં આવી રહ્યું છે કે ઘટના સમયે સ્કોર્પિયોમાં કુલ 11 લોકો મુસાફરી કરી રહ્યા હતા. તેમાંથી 6 લોકોના મોત થયા છે, જ્યારે 5 લોકો ઘાયલ હોવાનું કહેવાય છે. ઘટના બાદ સ્થાનિક લોકોની મદદથી તમામને હોસ્પિટલ લઈ જવામાં આવ્યા, જ્યાં ઘાયલોની સારવાર કરવામાં આવી રહી છે.

તમામ મૃતકો એક જ પરિવારના હતા

એસડીપીઓ અભિષેક સિંહે જણાવ્યું કે સ્કોર્પિયોએ રોડ પર પાર્ક કરેલી હૈવા ટ્રકને ટક્કર મારી. સ્કોર્પિયોમાં એક જ પરિવારના કુલ 11 લોકો મુસાફરી કરી રહ્યા હતા. આ તમામ લોકો નવાદા જિલ્લામાંથી પટના જઈ રહ્યા હતા. તેમણે માહિતી આપી હતી કે ચાર લોકોના ઘટનાસ્થળે જ મોત નીપજ્યા હતા, જ્યારે બે લોકોનું સારવાર દરમિયાન મૃત્યુ થયું હતું. આ અકસ્માતમાં અત્યાર સુધીમાં 6 લોકોના મોત થયા છે. મૃતકોની ઓળખ નિર્મલા દેવી (55), કમલા દેવી (55), નીરજ કુમાર (22), પાર્વતી દેવી (65), રિશુ કુમારી (5) અને ફુલવા દેવી (65) તરીકે થઈ છે. પાંચ ઘાયલ હજુ પણ સારવાર હેઠળ છે.