કડીના થોળ રોડ ઉપર ક્રિકેટ મેચ પર જુગાર રમતા ઝડપાયા

કડી શહેરના થોળ રોડ ઉપર આવેલ એક ઓફિસમાં મોબાઇલની અંદર લાઈવ ક્રિકેટ મેચનો સટ્ટો રમતા પાંચ ઇસમોને પોલીસે અંગે હાથ ઝડપી પાડ્યા હતા તેમ જ પાંચે ઈસમોની ધરપકડ કરીને ગુનો દાખલ કરવામાં આવ્યો હતો જ્યારે કડી પોલીસે રૂપિયા 6,78,800 નો રોકડ રકમ સાથે મુદ્દા માલ કબજે કરી કાર્યવાહી કરી હતી.કડી પોલીસ સ્ટેશનનો સ્ટાફ શહેરી વિસ્તારમાં અલગ અલગ જગ્યાએ પેટ્રોલિંગ કરી રહ્યો હતો જે દરમિયાન કડીના અંડર બ્રિજ પાસે પહોંચતા ખાનગી રાહે મળી હતી કે થોળ રોડ ઉપર આવેલ એક શોપિંગ સેન્ટરની અંદર ઓફિસ આવેલી છે અને જેમાં કેટલાક ઈસમો ભારત ઓસ્ટ્રેલિયા વચ્ચે ચાલી રહેલ વન-ડે મેચનો ક્રિકેટનો સટ્ટો રમી રહ્યા છે. પોલીસે બાતમીની ખરાઈ કરીને સ્થળવાળી જગ્યા ઉપર રેડ કરી હતી જ્યાં ઓફિસની અંદર ભારત ઓસ્ટ્રેલિયા વચ્ચે રમાઈ રહેલી વન-ડે મેચ એલઇડી ટીવી ની અંદર ચાલી રહી હતી અને પાંચ ઈસમો પોતાના મોબાઈલની અંદર હાર જીતનો સટો મેચનો રમી રહ્યા હતા પોલીસે સ્થળ ઉપરથી જ પાંચે ઈસમોની ધરપકડ કરી હતી.

કડી પોલીસને માહિતી મળી હતી કે ઈકબાલ મલેક રહે આંબલીયારા તાલુકો કડી વાળો ઈસમ બહારથી માણસો બોલાવી થોળ રોડ ઉપર આવેલ એક ઓફિસમાં ક્રિકેટ મેચનો હાર જીતનો સટો રમાડે છે. પોલીસે બાતમીની ખરાઈ કરીને સ્થળવાળી જગ્યા ઉપર રેડ કરીને ક્રિકેટ મેચનો સટ્ટો રમતા ઈકબાલ મલેક રહે આંબલીયારા કડી, સિધ્ધરાજસિંહ ઝાલા કરણનગર રોડ કડી,અનિલ બારોટ રહે ગણેશ એપારમેન્ટ કડી, મુકેશકુમાર શાંતિલાલ પટેલ રહે કૌશલ્ય સોસાયટી કડી, શરદકુમાર રસિકભાઈ પટેલ રહે કરણનગર કડી ની ધરપકડ કરી હતી તેમજ એક બ્રેજા ગાડી અને એક એકટીવા સહિત રૂપિયા 6,78,800 નો રોકડ રકમ સાથે મુદ્દા માલ કબજે કરી ગુનો દાખલ કરાયો હતો.