મહેસાણામાં બીજા દિવસે સાંજે ધૂળની આંધી ફૂંકાતાં 500 મીટર આગળ દેખવું મુશ્કેલ બન્યું

ઉત્તર ગુજરાતમાં મોટાભાગે સતત ફૂંકાઇ રહેલા પશ્ચિમ દિશાના પવનના કારણે ગુરૂવારે દિવસનો પારો 2 ડિગ્રી સુધી ઘટ્યો હતો. પરંતુ દિવસભર અસામાન્ય પવન ફૂંકાતાં દેહદઝાડતી ગરમીનો અનુભવ થયો હતો. જ્યારે સાંજે પવનની ગતિ વધીને પ્રતિ કલાકે 20 કિલોમીટરની થઇ હતી. ભારે પવન સાથે ચડી આવેલી ધૂળ આંધીમાં ફેરવાઇ હતી.

ગરમ લાહ્ય પવન અને ધૂળના કારણે ચાર દીવાલોની બહાર નીકળવું ભારે મુશ્કેલીભર્યું બન્યું હતું. ધૂળની આંધીના કારણે 500 મીટર આગળનું બધુ જ ધૂંધળું દેખાતું હતું. બપોર સુધી ગરમ લાહ્ય પવનએ દઝાડ્યા બાદ સાંજે ધૂળની આંધીના કારણે લોકો ત્રાહિમામ પોકારી ગયા હતા.28-29 મેએ ઉ.ગુ.માં હળવા વરસાદની શક્યતા હવામાન વિભાગની આગાહી મુજબ, આગામી 3 દિવસમાં એટલે કે, 28 મે સુધીમાં ગરમી 2 થી 3 ડિગ્રી સુધી ઘટી શકે છે. તેમજ 28 અને 29 મે ના રોજ ઉત્તર ગુજરાતમાં હળવા વરસાદની શક્યતા છે.