રાજ્યમાં 134 તાલુકામાં સાર્વત્રિક વરસાદ, સૌરાષ્ટ્ર, કચ્છ તથા દક્ષિણ ગુજરાતમાં 4 દિવસ છૂટાછવાયા વરસાદની આગાહી

ગુજરાત
ગુજરાત 64

રાજ્યના સૌરાષ્ટ્ર, કચ્છ તથા દક્ષિણ ગુજરાતમાં 4 દિવસ છૂટાછવાયા વરસાદની આગાહી છે. ત્યારે સ્ટેટ ઈમર્જન્સી ઓપરેશન સેન્ટર દ્વારા પ્રાપ્ય આંકડા અનુસાર, રાજ્યમાં 134 તાલુકામાં સાર્વત્રિક વરસાદ નોંધાયો છે. સૌથી વધુ વરસાદ તાપીના ઉચ્છલ અને ડાંગના સુબીરમાં 4 ઈંચ નોંધાયો છે. અત્યારસુધીમાં 129 ટકા વરસાદ નોંધાયો છે. ઉલ્લેખનીય છે કે સૌરાષ્ટ્ર-કચ્છ ઉપરાંત દક્ષિણ ગુજરાતમાં ચારેક દિવસ સુધી એકંદરે સાર્વત્રિક વરસાદ નોંધાયો છે.

સ્ટેટ ઈમર્જન્સી ઓપરેશન સેન્ટરના આંકડા અનુસાર, રાજ્યના 134 તાલુકામાં સાર્વત્રિક વરસાદ નોંધાયો છે, જેમાં સૌથી વધુ ચાર ઈંચ જેટલો વરસાદ તાપીના ઉચ્છલ, ડાંગના સુબીર અને સુરતના ઉમરપાડામાં નોંધાયો છે. આ સિવાય નવસારીના જલાલપોર, ભરૂચ અને રાજકોટના ગોંડલમાં 3-3 ઈંચ વરસાદ નોંધાયો છે, જ્યારે નવસારી અને સુરત શહેરમાં અઢી ઈંચ વરસાદ નોંધાયો છે. સુરતના બારડોલી, માંડવી, અમરેલીના ખાંભા, રાજકોટના જસદણ અને કોટડાસાંગાણી તથા વડોદરાના ડભોઈમાં 2-2 ઈંચ વરસાદ નોંધાયો છે. ઉપરાંત વડોદરા અને નવસારીના ગણદેવીમાં પણ 2 ઈંચ જેટલો વરસાદ નોંધાયો છે.


  • Sign up
Lost your password? Please enter your username or email address. You will receive a link to create a new password via email.