સુરતનો વિદ્યાર્થી એન્જિનિયરિંગની પ્રવેશ પરીક્ષા જેઈઇ મેઈન્સમાં શહેરમાં પ્રથમ આવ્યો

દેશમાં એન્જિનિયરિંગમાં પ્રવેશ માટેની પરીક્ષા જેઈઈ મેઈન્સ 2023ની જાન્યુઆરીમાં પરીક્ષા લેવાઈ હતી.જેના પરિણામ જાહેર થયા છે.જેમાં સુરતના નિશ્ચય અગ્રવાલે મેદાન માર્યું છે.જેમાં નિશ્ચયે 99.98 પર્સેન્ટાઈલ સાથે પ્રથમ ક્રમ મેળવ્યો છે.કોમ્પ્યુટર સાન્યન્સના ક્ષેત્રમાં મુંબઈ આગામી અભ્યાસ કરવા ઈચ્છતા નિશ્ચયે જણાવ્યું હતું કે રોજની મહેનત અને પરિવાર તેમજ શિક્ષકોના માર્ગદર્શનથી આ સફળતા પ્રાપ્ત કરી છે.ટેક્સટાઈલ માર્કેટમાં કાપડના એજન્ટ તરીકે કામ કરનારના પુત્ર નિશ્ચય અગ્રવાલે જણાવ્યું હતું કે ક્લાસરૂમમાં રોજના માર્ગદર્શનની સાથેસાથે ઘરે પણ રોજની 3 થી 4 કલાક મહેનત કરતો હતો જેના કારણે બોજો આવતો નહોતો.આ સિવાય રોજનું કામ રોજ થઈ જતું હતું.તેમના માતા બી.કોમ બી.એડ સુધીનો અભ્યાસ ધરાવે છે ત્યારે તેમણે પ્લાનિંગમાં તેને ખૂબ મદદ કરી હતી.જે વિષય અઘરા લાગતાં હોય તેના માટે કેવી રીતે તૈયારી કરવી અને કઈ બૂક વાંચવી તે સહિતનું પ્લાનિંગ આપતાં હતાં.આ પ્લાનિંગના કારણે જ ટેન્શન આવ્યું નહોતું.છેલ્લા દિવસ સુધી એકદમ સ્વસ્થ મન સાથે પરીક્ષા આપી હતી.નિશ્ચયના પિતા ટેક્સટાઈલમાં કામ કરે છે.તેઓ બી.કોમ સુધીનો અભ્યાસ ધરાવે છે.આમ મૂળ રાજસ્થાનના સિકર જિલ્લાના વતની છે.