ઈજા બાદ પણ લડતી રહી ભારતની નિશા દહિયા, ક્વાર્ટર ફાઇનલમાં થયું કંઈક આવું

ભારતને આ વખતે કુસ્તીમાં ઓલિમ્પિક મેડલની પૂરી આશા છે, પરંતુ આ દરમિયાન કુસ્તીમાંથી ભારત માટે એક હૃદયદ્રાવક સમાચાર સામે આવ્યા છે. ભારતીય કુસ્તીબાજ નિશા દહિયાને સોમવારે પેરિસ ઓલિમ્પિકમાં મહિલાઓની 68 કિગ્રા ફ્રી સ્ટાઇલ કેટેગરીમાં ઉત્તર કોરિયાની પાક સોલ ગમ સામે ક્વાર્ટર ફાઇનલમાં 8-10થી હારનો સામનો કરવો પડ્યો હતો, જોકે તે એક તબક્કે આગળ હતી. નિશા 90 સેકન્ડથી પણ ઓછા સમયમાં 8-1થી આગળ હતી જ્યારે તેણીના જમણા હાથમાં ગંભીર ઈજા થઈ હતી, જેના કારણે તેણીને તીવ્ર પીડા થઈ રહી હતી.

ઈજાને કારણે હારી ગઈ

નિશા દહિયાને ઈજાના કારણે મેચ ગુમાવવી પડી હતી અને તેના જમણા હાથમાં તાકાતનો અભાવ હતો, જેના કારણે તેની પ્રતિસ્પર્ધીએ સતત નવ પોઈન્ટ મેળવ્યા હતા અને જીત મેળવી હતી. મેડિકલ બ્રેક પછી, આ મેચમાં નિશા માટે ઘણું બદલાઈ ગયું, જે દરમિયાન નિશા સ્પષ્ટપણે મુશ્કેલીમાં દેખાઈ રહી હતી. નિશાની આંખોમાં આંસુ હતા, પરંતુ તેણે એક પણ વાર મેદાન છોડ્યું નહીં. નિશાએ પ્રથમ રાઉન્ડમાં સંપૂર્ણ રીતે પ્રભુત્વ જમાવ્યું હતું, પરંતુ બીજા રાઉન્ડમાં તેના માટે કંઈ સારું થયું ન હતું. મેચમાં 10 સેકન્ડ બાકી હતી, સ્કોર 8-8ની બરાબરી પર હતો, પરંતુ ઈજાગ્રસ્ત ભારતીય કુસ્તીબાજે એક પણ વાર હાર ન માની અને પીડામાં પણ લડતી રહી હતી.