અમદાવાદઃ કોલેજમાં ડોન તરીકે રોફ જમાવવા અપહરણ કર્યુ, ધરપકડ કરાઇ
ખાનગી કોલેજમાં ડોન બનવા અને પોતાનું વર્ચસ્વ જમાવવા માટે એક વિદ્યાર્થીનું અપહરણ કરી માર મારી તેને લૂંટી લેનાર એક શખ્સ ઝડપાયો છે. સોલા પોલીસે આરોપીની ધરપકડ કરી યુવકને હેમખેમ મુક્ત કરાવ્યો હતો. આ શખ્સનું નામ સુધીર દેસાઇ છે. આરોપી પોતે કોઇ કામધંધો તો નથી કરતો પણ તે કોઇને કોઇ કોલેજ બહાર બેસીને લોકો પાસે હપ્તા ઉઘરાવતો હતો.
સાલ કોલેજની બહાર પણ તે બેઠો હતો અને એક વિદ્યાર્થીની સાથે તેણે નાણાં માંગ્યા હતા. નાણા નહી આપતા તેનું અપહરણ કર્યું અને અન્ય લુખ્ખા તત્વો સાથે મળી વિદ્યાર્થીને ઢોર માર મારી લૂંટી લીધો હતો. આખરે પોલીસને જાણ થતાં જ આરોપી સુધીરની ધરપકડ કરાઇ અને અન્ય શખ્સોની શોધખોળ પોલીસે હાથ ધરી.
આરોપી પોતે કોલેજોમાં પોતાને બધા ડોન તરીકે ઓળખે તે માટે કારસ્તાન કરતો હતો. પણ આ કારસ્તાન તેને મોંઘુ પડ્યું અને ડોનની જગ્યાએ હવે બની ગયો આરોપી. આરોપીએ જે યુવકનું અપહરણ કર્યું હતું તે વિદ્યાર્થીને એક વિદ્યાર્થી સાથે નાણાંકીય લેવડ દેવડ હતી અને તેની અદાવત ત્રાહિત વ્યક્તિ એવા સુધીરે રાખી આ ઘટનાને અંજામ આપ્યો હતો.
You may also like
