શીઝાન ખાનની બહેન ફલક નાઝ હોસ્પિટલમાં દાખલ

ફિલ્મી દુનિયા

મુંબઈ, તુનિષા શર્મા આત્મહત્યા કેસના આરોપી શીઝાન ખાનની બહેન ફલક નાઝ હાલ હોસ્પિટલમાં દાખલ છે અને પરિવારની હાલત ખરાબ છે. શીઝાનની માતા રડતા રડતા ખરાબ હાલતમાં છે. કારણકે, પુત્ર શીઝાન છેલ્લા એક મહિનાથી જેલમાં છે અને પુત્રી ફલક નાઝ હોસ્પિટલમાં દાખલ છે. ફલકને શું થયું છે તે હજુ જાણવા મળ્યું નથી, પરંતુ કહેવામાં આવી રહ્યું છે કે તેની તબિયત અચાનક બગડી ગઈ હતી. ખરાબ સંજોગોનો સામનો કરી રહેલા શીઝાન અને ફલકના માતાએ સોશિયલ મીડિયા પર એક પોસ્ટ કરી છે અને સવાલ પૂછયો છે કે તેમના પરિવારને કઈ વાતની સજા મળી રહી છે?

૧૩.તેમણે પોતાની ઈન્સ્ટાગ્રામ સ્ટોરી પર ફલક નાઝની તસવીર શેર કરી છે. ફલક નાઝ હોસ્પિટલના બેડ પર આંખો બંધ કરીને પડી છે. તેની સાથે ‘ધીરજ’ શબ્દ લખીને લાંબી નોંધ લખી છે. આમાં તેમણે પોતાના દિલની બધી પીડા ઠાલવી દીધી છે. શીઝાન ખાન અને ફલકની માતાએ લખ્યું છે કે, ‘હું સમજી શકતી નથી કે અમારા પરિવારને શું સજા આપવામાં આવી રહી છે અને શા માટે? મારો પુત્ર શીઝાન છેલ્લાં એક મહિનાથી એક પણ પુરાવા વગર કેદીઓની જેમ જેલમાં સજા કાપી રહ્યો છે. મારી દીકરી ફલક હોસ્પિટલમાં દાખલ છે. તુનિષા શર્માનો ઉલ્લેખ કરતા શીઝાનની માતાએ આગળ લખ્યું કે, ‘અમારો ગુનો શું છે? કારણકે અમે મુસ્લિમ છીએ?’

૧૨.તુનિષા શર્મા કેસમાં જેલમાં બંધ કો-એક્ટર અને પૂર્વ બોયફ્રેન્ડ શીઝાન ખાનના વકીલ શૈલેન્દ્ર મિશ્રાએ દાવો કર્યો હતો કે, સીરિયલ ‘અલી બાબાઃ દાસ્તાન-એ-કાબૂલ’ના સેટ પર જીવન ટૂંકાવતા પહેલા દિવંગત એક્ટ્રેસે કથિત રીતે અલી નામના યુવક સાથે ૧૫ મિનિટ સુધી વીડિયો કોલ પર વાતચીત કરી હતી. આ સાથે વકીલે તેમ પણ કહ્યું હતું, શીઝાન સાથે બ્રેકઅપ થયા બાદ તુનિષાએ ડેટિંગ એપ જોઈન કરી હતી અને ત્યાં જ તેની મુલાકાત અલી સાથે થઈ હતી.


  • Sign up
Lost your password? Please enter your username or email address. You will receive a link to create a new password via email.