લગ્નના બે સપ્તાહ પછી મોહિતે સંભળાવી લવ સ્ટોરી

મુંબઇ, ટીવી અને ફિલ્મ એક્ટર મોહિત રૈનાએ અદિતિ સાથે પ્રાઈવેટ સેરેમનીમાં લગ્ન કરી લીધા છે. સોશિયલ મીડિયા પર શેર કરેલા ફોટોગ્રાફ્સમાં મોહિત રૈના પોતાની પત્ની અદિતિ સાથે જાેવા મળી રહ્યો છે. મોહિત રૈનાએ સફેદ શેરવાની પહેરી હતી અને પત્ની અદિતિએ ડિઝાઇનર ચોલી પહેરી હતી.

બંને સાથે ખૂબ જ સરસ લાગી રહ્યા હતા. મોહિતે લગ્નની તસવીરો શૅર કરીને ફેન્સને ચોંકાવી દીધા હતા. ફેન્સે પણ કપલને શુભકામનાઓ આપી હતી. એક ઈન્ટરવ્યુમાં એક્ટર મોહિત રૈનાએ જણાવ્યું કે તેની પત્ની અદિતિ ટેક્નોલોજીનું બેકગ્રાઉન્ડ ધરાવે છે. થોડા વર્ષો પહેલા તેઓ વચ્ચે મિત્રતા થઈ હતી. આ મિત્રતામાંથી તેઓ વચ્ચે પ્રેમ થયો અને લોકડાઉનના સમયગાળા આસપાસ મોહિત રૈના, અદિતિના પરિવારને મળવા ગયો હતો. બાદમાં બંનેના પરિવારે લગ્ન માટે હા પાડી હતી.

એક્ટર મોહિત રૈનાએ સોશિયલ મીડિયા પર ફેન્સને લગ્નના ન્યૂઝ શેર કરતા લખ્યું હતું કે ‘પ્રેમ કોઈ પ્રકારની અડચણને ઓળખતો નથી અને તમામ સીમાઓ પાર કરે છે. પ્રેમ તમામ અંતર ઓછું કરે છે અને તમામ દીવાલો તોડીને થઈ જાય છે. પ્રેમ તો બસ થઈ જાય છે. પ્રેમમાં ઘણી બધી આશાઓને સ્થાન છે. આજે અમે માતા-પિતાના આશીર્વાદ સાથે એક થવાનો ર્નિણય લીધો છે.

આ નવી મુસાફરીમાં તમારા બધાના પ્રેમ અને આશીર્વાદની જરૂર છે. અદિતિ અને મોહિત. મોહિત રૈનાએ ટીવી ઈન્ડસ્ટ્રીથી એક્ટિંગ કરિયરની શરૂઆત કરી હતી. જેમાં તેણે ‘દેવો કે દેવ-મહાદેવ’, ‘ચક્રવર્તી અશોક સમ્રાટ’, ‘૨૧ સરફરોશ-સારાગઢી ૧૮૯૭’, ‘બંદિની’, ‘ચહેરા’, ‘ભાભી’ જેવા ટીવી શૉમાં એક્ટિંગ કરી. મોહિત રૈનાએ ‘ઉરી-ધ સર્જિકલ સ્ટ્રાઈક’, ‘શિદ્દત’, ‘મિસિસ સિરિયલ કિલર’ જેવી ફિલ્મોમાં પણ એક્ટિંગ કરી છે. આ સિવાય મોહિત રૈના ‘ભૌકાલ’, ‘કાફિર’, ‘અ વાયરલ વેડિંગ’, ‘મુંબઈ ડાયરીઝ ૨૬/૧૧’ જેવી વેબ સિરીઝમાં પણ એક્ટિંગ કરી ચૂક્યો છે. ૩૯ વર્ષીય એક્ટર મોહિત રૈના કાશ્મીરી બ્રાહ્મણ છે. જમ્મુમાં અભ્યાસ કર્યા બાદ મુંબઈ આવીને મોડેલિંગ ક્ષેત્રે કરિયરની શરૂઆત કરી હતી.