લીઓનું ૫૪૦ કરોડને પાર થયું વર્લ્ડવાઈડ કલેક્શન

મુંબઈ, લીઓ બોક્સ ઓફિસ પર શાનદાર કમાણી કરી રહી છે. આ ફિલ્મ રિલીઝના પહેલા દિવસથી જ બોક્સ ઓફિસ પર ધૂમ મચાવી રહી છે. આ ફિલ્મ ન માત્ર સ્થાનિક બોક્સ ઓફિસ પર સારી કમાણી કરી રહી છે પરંતુ વિશ્વભરમાં સારું કલેક્શન પણ કરી રહી છે. તમને જણાવી દઈએ કે વિજય થાલાપતિની ફિલ્મે વિશ્વભરમાં ૫૪૦ કરોડ રૂપિયાથી વધુનું કલેક્શન કર્યું છે. લિઓએ ઘરેલુ બોક્સ ઓફિસ પર ૩૦૦ કરોડ રૂપિયાનો આંકડો પાર કરી લીધો છે. ફિલ્મે ૧૨ દિવસમાં ૩૦૭.૯૫ કરોડ રૂપિયાની કમાણી કરી લીધી છે. બીજી તરફ, ફિલ્મે પણ વિશ્વભરમાં ૫૪૩.૩૫ કરોડ રૂપિયાનું કલેક્શન કર્યું છે.

ફિલ્મ’LEO’નુંનિર્દેશન પ્રખ્યાત ફિલ્મ નિર્માતા લોકેશ કનાગરાજ દ્વારા કરવામાં આવ્યું છે. જેણે અગાઉ ‘કૈથી’, ‘વિક્રમ’ અને ‘માસ્ટર’ જેવી સાઉથ સિનેમાને સુપરહિટ ફિલ્મો આપી છે. આ ફિલ્મમાં સંજય દત્ત ઉપરાંત અનુરાગ કશ્યપ પણ મહત્વના રોલમાં છે. વિજય થલપતિ છેલ્લે ફિલ્મ ‘વારિસૂ’માં જોવા મળ્યા હતા. અભિનેતાની આ ફિલ્મ પણ સુપરહિટ રહી હતી. આ પહેલા તેની ફિલ્મ ‘માસ્ટર’એ પણ બોક્સ ઓફિસ પર શાનદાર કલેક્શન કર્યું હતું. સાઉથના સુપરસ્ટાર થલાપતિ વિજયની ફિલ્મ ‘લિયો’ બોક્સ ઓફિસ પર ધૂમ મચાવી રહી છે. ઘણા સમયથી થલાપતિ વિજયની આ ફિલ્મને લઈને ચાહકોમાં અદ્બુત ક્રેઝ હતો.

ફિલ્મના એડવાન્સ બુકિંગે શાહરૂખ ખાનની ‘જવાન’ને પણ પાછળ છોડી દીધી હતી. એવું કહેવામાં આવી રહ્યું હતું કે વિજયની આ ફિલ્મ ઘણા મોટા રેકોર્ડ બનાવવા જઈ રહી છે. ૧૯ ઓક્ટોબરે રિલીઝ થયેલી આ ફિલ્મે રેકોર્ડ બ્રેક ઓપનિંગ લીધી છે. ફિલ્મે પ્રથમ દિવસે કુલ ૬૮ કરોડ રૂપિયાની કમાણી કરી હતી. જ્યારે વર્લ્ડવાઈડ ફિલ્મે ૧૪૮.૫૦ કરોડની કમાણી કરી હતી. વિશ્વભરમાં કોઈ કોલીવુડ ફિલ્મને આટલી મોટી ઓપનિંગ મળી નથી.