શિલ્પાને પગમાં ફ્રેક્ચર હોવા છતાં ફાલ્ગુની પાઠકના ગીત પર મન મૂકીને રમી ગરબા

મુંબઈ, શિલ્પા શેટ્ટીની ગણતરી દરેક તહેવારને ધામધૂમ અને ભારે ઉત્સાહ સાથે ઉજવતાં બોલિવુડ સેલિબ્રિટીમાં થાય છે. હાલ, નવરાત્રી ચાલી રહી છે ત્યારે તેણે પણ પોતાના ઘરે ઘટ સ્થાપન અને માતાજીનું સ્થાપન કર્યું છે. પર્વ શરૂ થયું ત્યારથી મા દુર્ગાના અલગ-અલગ રૂપની પૂજાની ઝલક દેખાડતી રહેતી એક્ટ્રેસે ત્રીજા દિવસે ગરબા પણ કર્યા હતા. ઓગસ્ટ મહિનાની શરૂઆતમાં તેને પગમાં ફ્રેક્ચર થયું હતું અને હજી સુધી તે રિકવર નથી તેમ છતાં આ વાત તેના ઉત્સાહને રોકી શકી નહોતી. શિલ્પાએ તેના ઈન્સ્ટાગ્રામ હેન્ડલ પર ફાલ્ગુની પાઠકના ગીત ‘વાંસલડી વાગી રે…’ પર ગરબા કરી રહી હોય તેવો વીડિયો શેર કર્યો છે.

જેમાં તે વાદળી કલરના બાંધણીના કફ્તાન અને વ્હાઈટ પ્લાઝોમાં સુંદર લાગી રહી છે. શિલ્પા શેટ્ટીએ શેર કરેલા વીડિયોમાં જાેઈ શકાય છે કે, તે સ્ટેન્ડ લઈને ઉભી છે અને જેવું સોન્ગ વાગે છે કે તરત જ સ્ટેન્ડ હટાવીને ઉભા-ઉભા ગરબાના સ્ટેપ કરવા લાગે છે. એથનિક વેઅરમાં તે શોભી રહી છે. આ સાથે તેણે લખ્યું છે ‘આ ગુજરાતી બનવાની સીઝન છે. દાંડિયા ક્વીન ફાલ્ગુની પાઠકે ગાયેલા હાલના મારા ફેવરિટ સોન્ગ પર એક પગ પર ગરબા કરી રહી છું’. તેના રાખી ભાઈ રાજીવ અડાતિયાએ કોમેન્ટ કરતાં ક્લેપિંગ ઈમોજી ડ્રોપ કર્યા છે.

આ સિવાય ફેન્સ પણ તેને ‘એનર્જીની પાવરહાઉસ’ કહી રહ્યા છે. કેટલાક ફેન્સે રેડ હાર્ટ અને ફાયર ઈમોજી મૂકીને એક્ટ્રેસને તેની હેલ્થનું ધ્યાન રાખવા માટે કહ્યું છે. નવરાત્રીના પહેલા દિવસે તેણે માતાની પૂજાનો વીડિયો શેર કરીને સૌને શુભેચ્છા પાઠવી હતી. આ સાથે તેણે લખ્યું હતું ‘શારદીય નવરાત્રીની ખૂબ-ખૂબ શુભકામના. આપ તમામને નવરાત્રીની શુભેચ્છા. ચાલો આ નવ દિવસ આત્માને સ્વચ્છ અને શુદ્ધ કરીએ. પ્રથમઃ હું મારો ગુસ્સો છોડી દઈશ, દ્ધિતીયઃ હું લોકોને જજ કરવાનું બંધ કરીશ, તૃતીયઃ હું મારી તમામ નારાજગી દૂર કરીશ, ચતુર્થીઃ હું અન્ય અને મારીજાતને ક્ષમા આપીશ, પંચમીઃ હું અન્ય તેમજ પોતાને જેવા છે તેવા સ્વીકારીશ, શષ્ઠીઃ અન્યને કોઈ પણ સ્વાર્થ વગર પ્રેમ કરીશ, સપ્તમીઃ હું મારી ઈર્ષ્યા અને દોષભાવથી મુક્ત થઈશ, અષ્ટમીઃ હું મારા ડરને દૂર કરીશ, મહાનવમીઃ મારી પાસે જે કંઈ છે અને જે મેળવીશ તે માટે કૃતજ્ઞતા વ્યક્ત કરીશ…જય માતા દી’. વર્ક ફ્રંટની વાત કરીએ તો, તે ખૂબ જલ્દી ફિલ્મ ‘સુખી’માં દેખાશે, જેનું શૂટિંગ તેણે પૂરું કરી દીધું છે. આ સિવાય તેની પાસે રોહિત શેટ્ટીની વેબ સીરિઝ ‘ઈન્ડિયન પોલીસ ફોર્સ’ છે. જેમાં તે પહેલીવાર હેન્ડસમ સિદ્ધાર્થ મલ્હોત્રા અને વિવેક ઓબરોય સાથે સ્ક્રીન શેર કરતી દેખાશે. છેલ્લે તે અભિમન્યુ દાસાની અને શર્લી શેઠિયા સાથે ફિલ્મ ‘નિકમ્મા’માં જાેવા મળી હતી, જે બોક્સઓફિસ પર ફ્લોપ રહી હતી.