ચંડીગઢ કરે આશિકી માટે સુશાંત પહેલી પસંદ હતો?

ફિલ્મી દુનિયા

મુંબઈ, અભિષેક કપૂરની આયુષ્માન ખુરાના અને વાણી કપૂર સ્ટારર ફિલ્મ ‘ચંડીગઢ કરે આશિકી’ને તેના કોન્સેપ્ટ તેમજ એક્ટર્સના પર્ફોર્મન્સના કારણે ખૂબ પ્રેમ મળ્યો. અગાઉ, તેવા રિપોર્ટ્‌સ હતા કે દિવંગત એક્ટર સુશાંત સિંહ રાજપૂત ફિલ્મ માટે ફિલ્મમેકરની પહેલી પસંદ હતો. તેના પર હવે અભિષેક કપૂરે ખુલાસો કર્યો છે. અભિષેક કપૂરે કહ્યું, તેમણે પણ આવી અફવા સાંભળી હતી અને તે પૂરી રીતે ખોટી છે. ડિરેક્ટરે ખુલાસો કર્યો કે, જ્યાં સુધી ફિલ્મની સ્ક્રિપ્ટ ન લખાઈ જાય ત્યાં સુધી તેઓ કાસ્ટિંગ કરતા નથી.

સુશાંતના નિધન બાદ તેમણે ‘ચંડીગઢ કરે આશિકી’ માટે કાસ્ટિંગ શરૂ કર્યું હતું. ગયા મહિને અભિષેક કપૂરની ફિલ્મ કેદારનાથ કે જેમાં સુશાંત સિંહ રાજપૂત અને સારા અલી ખાન લીડ રોલમાં હતા તેને ત્રણ વર્ષ પૂરા થયા હતા. દિવંગત એક્ટરને યાદ કરતાં ખાસ દિવસે અભિેકે ફિલ્મના સેટ પરથી સુશાંત સાથેની થ્રોબેક તસવીર શેર કરી હતી અને સાથે હૃદયસ્પર્શી નોટ પણ લખી હતી. તેમણે લખ્યું હતું આ પ્રયાસને બહાદુરી આપવા બદલ સમગ્ર કાસ્ટ અને ક્રૂનો આભારી છું. કૃતજ્ઞતા અને પ્રેમની વચ્ચે, અસાધારણ આત્માની ગંભીર ખોટની યાદ અપાવીશ જે આ ફિલ્મના વારસા સાથે જાેડાયેલ છે. હું હજી પણ પહાડોની હારમાળામાં મંસૂરનો અનુભવ કરી શકું છું, જેનું સ્મિત વિશ્વની તમામ નિર્દોષતા અને સુંદરતા પ્રતિબિંબિત કરે છે’. જણાવી દઈએ કે, સુશાંત સિંહ રાજપૂતે અભિષેક કપૂરની ફિલ્મ ‘કાઈપો છે’થી જ બોલિવુડમાં ડેબ્યૂ કર્યું હતું.

અભિષેક કપૂરે અગાઉ ‘કેદારનાથ’ વિશે વાત કરતાં ખુલાસો કરતા કહ્યું હતું કે, આ ફિલ્મમાં કોઈ પણ પોતાના પૈસા લગાવવા માગતા નહોતા કારણ કે લોકોને લાગતું હતું કે સુશાંત સ્ટાર નહોતો. ‘લોકો તેમ કહીને ‘કેદારનાથ’ છોડી રહ્યા હતા કે સુશાંત સ્ટાર નથી. હું ફિલ્મ માટે લડી રહ્યો હતો. તેને પૂરી કરવા માટે મેં મારા પૈસા લગાવ્યા. મારી ઉપર પ્રેશર હતું પરંતુ મને વિશ્વાસ હતો તેથી મારે ફિલ્મ પૂરી કરવી જ હતી.


  • Sign up
Lost your password? Please enter your username or email address. You will receive a link to create a new password via email.