ગૌતમ અદાણીના સમર્થનમાં આવ્યા વીરેન્દ્ર સહેવાગ? કહ્યું- ભારતની પ્રગતિ ગોરાઓથી સહન થતી નથી
ઉદ્યોગપતિ ગૌતમ અદાણી પરના હિંડનબર્ગના અહેવાલે ભારતીય શેરબજારને મોટો ફટકો આપ્યો છે. આ ખુલાસા બાદ ગૌતમ અદાણીની કંપનીઓના શેરમાં નોંધપાત્ર ઘટાડો થયો છે, જેની અસર બજાર પર પડી છે. આ દરમિયાન ગૌતમ અદાણીને ટીમ ઈન્ડિયાના પૂર્વ ઓપનર વીરેન્દ્ર સેહવાગનું સમર્થન મળ્યું છે. ભૂતપૂર્વ ઓપનરે ભલે નામ ન લીધું હોય, પરંતુ તેના ટ્વિટર પરથી અંદાજ લગાવી શકાય છે કે, તે અદાણી વિશે વાત કરી રહ્યો છે.
વીરેન્દ્ર સેહવાગે ટ્વીટ કરીને કહ્યું, “ભારતની પ્રગતિ ગોરાઓ સહન કરી શકે નહીં. ભારતીય બજારને ટાર્ગેટ બનાવવું એ સારી રીતે વિચારેલી યોજના હોવાનું જણાય છે. તમે ગમે તેટલી કોશિશ કરશો, ભારત પહેલા કરતા વધુ મજબૂત બનશે.” લિજેન્ડ્સ લીગ ક્રિકેટ (LLC)માં અદાણી ગ્રૂપની ગુજરાત જાયન્ટ્સ ટીમના કેપ્ટનનું આ ટ્વિટ સોશિયલ મીડિયા પર ખૂબ વાયરલ થઈ રહ્યું છે.
લોકોએ કહ્યું- આ મહાપુરુષની હિંમત તૂટવા ન દો
વીરેન્દ્ર સેહવાગના આ ટ્વિટ પર ઘણી પ્રતિક્રિયાઓ આવી રહી છે. એક યુઝરે લખ્યું, “ભારત મજબૂત છે, સાહેબ, અદાણી નબળી પડી ગઈ છે.” અન્ય યુઝરે લખ્યું, “સર, તમારી બેટિંગમાં એક મોટી ધાર છે, પરંતુ તમે ચમચા છો.” અન્ય એક યુઝરે ગૌતમ અદાણીનો ફોટો શેર કર્યો અને લખ્યું કે, આ મહાન માણસની હિંમત તૂટવા ન દો. એક યુઝરે લખ્યું, “ભાઈ, તમારા બધા પૈસા અદાણી ગ્રુપના શેરમાં નાખો અને ગોરાઓને આપી દો. મોટિવેશનલ 4 લાઈન લખવાથી કંઈ થશે નહીં. અન્ય યુઝરે પૂછ્યું, “સરજી આપકે કિતને શેર હૈ અદાણી ગ્રુપ મેં.”
સેહવાગ સોશિયલ મીડિયા પર ખૂબ જ એક્ટિવ રહે છે
જણાવી દઈએ કે વીરેન્દ્ર સેહવાગ ખૂબ જ નિર્ભય રીતે બેટિંગ કરતો હતો. ટેસ્ટ ક્રિકેટ હોય કે વનડે ક્રિકેટ, તેણે બોલરોને છોડ્યા ન હતા. પહેલા બોલથી જ રન બનાવવાનો પ્રયાસ કરતો હતો. તેની સોશિયલ મીડિયા પર પણ આવી જ સ્ટાઇલ જોવા મળી રહી છે. ક્રિકેટમાંથી નિવૃત્તિ લીધા બાદ વીરેન્દ્ર સેહવાગ સોશિયલ મીડિયા પર ખૂબ જ એક્ટિવ રહે છે. લોકો તેમની ટ્વીટને ખૂબ પસંદ કરે છે. હાલમાં જ તેણે ટ્વીટ કરીને પૂછ્યું હતું કે સૌથી વધુ કોણ ડરે છે. આ પછી તેની અને ક્રિકેટ ફેન્સ વચ્ચે મજેદાર વાતચીત થઈ હતી.
You may also like
