મોંઘી ડુંગળીથી મળી રાહત, આવતીકાલથી ડુંગળી વેચાશે 25 રૂપિયે કિલો; સરકારે ભર્યું મોટું પગલું

ડુંગળીના વધતા ભાવને કાબૂમાં લેવા માટે સરકારે એક મોટું પગલું ભર્યું છે. સરકારે છેલ્લા ત્રણ સપ્તાહમાં વર્તમાન દરે 12 રાજ્યો અને કેન્દ્રશાસિત પ્રદેશોના જથ્થાબંધ બજારોમાં વેચાણ માટે બફર સ્ટોકમાંથી 36,250 ટન ડુંગળી બહાર પાડી છે. નેશનલ કોઓપરેટિવ કન્ઝ્યુમર ફેડરેશન ઓફ ઈન્ડિયા લિમિટેડ (NCCF) અને નેશનલ એગ્રીકલ્ચરલ કોઓપરેટિવ માર્કેટિંગ ફેડરેશન ઓફ ઈન્ડિયા લિમિટેડ (NEFED)ને જથ્થાબંધ અને છૂટક બજારોમાં બફર ડુંગળી વેચવાનો આદેશ આપવામાં આવ્યો છે.

NCCF અને NEFEDને બફર સ્ટોક ત્રણ લાખ ટનથી વધારીને પાંચ લાખ ટન કરવા માટે ખેડૂતો પાસેથી વધારાની ડુંગળી ખરીદવા માટે પણ કહેવામાં આવ્યું હતું. ઉપભોક્તા બાબતોના સચિવ રોહિત કુમાર સિંહે જણાવ્યું હતું કે સરકાર જથ્થાબંધ અને છૂટક બજારોમાં બફર સ્ટોકમાંથી ડુંગળીને મુક્ત કરીને ભાવમાં વધારો રોકવા માંગે છે.

તેમણે કહ્યું કે 11 ઓગસ્ટથી જથ્થાબંધ બજારમાં કુલ 35,250 ટન બફર ડુંગળી બહાર પાડવામાં આવી છે. NCCF એ 12 રાજ્યો અને કેન્દ્રશાસિત પ્રદેશો (UTs)માં 21,750 ટન ડુંગળી બહાર પાડી છે.

તેમણે જણાવ્યું કે આ 12 રાજ્યો અને કેન્દ્રશાસિત પ્રદેશોમાં દિલ્હી, આંધ્રપ્રદેશ, આસામ, તેલંગાણા, હિમાચલ પ્રદેશ, ઓડિશા, પંજાબ, પશ્ચિમ બંગાળ, કર્ણાટક, તમિલનાડુ, ચંદીગઢ અને કેરળનો સમાવેશ થાય છે. બફર સ્ટોકમાંથી ડુંગળી જથ્થાબંધ બજારમાં પ્રવર્તમાન દરે છૂટી રહી છે, જ્યારે છૂટક બજારોમાં તેને 25 રૂપિયા પ્રતિ કિલોના રાહત દરે છૂટી કરવામાં આવી રહી છે. સચિવે કહ્યું કે આ બંને સહકારી મંડળીઓ આગામી દિવસોમાં દિલ્હીમાં મોબાઈલ વાન અને પસંદગીના સ્થળો દ્વારા બફર ડુંગળીના છૂટક વેચાણમાં વધારો કરશે.

ઉપભોક્તા બાબતોના રાજ્ય મંત્રી અશ્વિની કુમાર ચૌબે 6 સપ્ટેમ્બરે રાહત દરે ડુંગળીના વેચાણ માટે NCCFની મોબાઈલ વાન લોન્ચ કરશે. દરમિયાન, NCCF અને NAFEDએ વધારાની બે લાખ ટન બફર ડુંગળીની ખરીદી શરૂ કરી છે. 22 ઓગસ્ટથી અત્યાર સુધીમાં લગભગ 24,000 ટન ડુંગળી સીધી ખેડૂતો પાસેથી ખરીદવામાં આવી છે. જેમાંથી NCCFએ 14,000 ટનની ખરીદી કરી છે, જ્યારે NAFEDએ લગભગ 10,000 ટનની ખરીદી કરી છે.