ડૉક્ટરની ચિઠ્ઠી વગર મળશે પેરાસિટામોલ અને અન્ય 15 દવાઓ

પેરાસિટામોલ અને 15 અન્ય દવાઓને ખરીદવા માટે હવે ડૉક્ટરની ચિઠ્ઠીની જરૂરિયાત નહીં પડે. સરકાર આ દવાઓને ઓવર ધ કાઉન્ટર લિસ્ટમાં નાંખવાની તૈયારીમાં છે. એટલે કે આ દવાઓને ખરીદવા માટે ડૉક્ટરની ચિઠ્ઠીની જરૂરિયાત નહીં પડે. આમાં પેરાસિટામોલ ઉપરાંત ડાયક્લોફેનેક, બંધ નાકને ખોલવામાં કામે આવતી દવાઓ અને એન્ટી એલર્જિક દવાઓ સામેલ છે.

આ દવાઓ ડૉક્ટરની ચિઠ્ઠી વગર મળી શકશે

હેલ્થ મિનિસ્ટ્રીએ ડ્રગ રુલ્સ 1945માં બદલાવ માટે ગેજેટ નોટિફિકેશન જાહેર કર્યું છે જેથી આ દવાઓને કાયદાના શેડ્યૂલમાં સામેલ કરી શકાય. આનાથી રિટેલર આને ડૉક્ટરની ચિઠ્ઠી વગર વેચી શકશે. આનો ઉદ્દેશ લોકોની સામાન્ય ઉપયોગવાળી દવાઓની પહોંચને પ્રોત્સાહન આપવાનો છે. આ 16 દવાઓમાં એન્ટિસેપ્ટિક અને જંતુનાશક એજન્ટ, જિન્ગિવાઇટિસની સારવાર માટે વપરાતું માઉથવોશ ક્લોરોહેક્સિડાઇન, ડેક્સટ્રોમેથોર્ફન હાઇડ્રોબ્રોમાઇડ લોઝેન્જિસ જેનો ઉપયોગ ઉધરસની સારવાર માટે થાય છે, એન્ટિ-બેક્ટેરિયલ ખીલ ફોર્મ્યુલેશન, એન્ટિ-ફંગલ ક્રીમ, જે નાક ખોલવા માટે વપરાય છે. analgesic ક્રીમ ફોર્મ્યુલેશન અને એન્ટી એલર્જી કેપ્સ્યુલ છે. સૂચિત ફેરફારો આ દવાઓને પ્રિસ્ક્રિપ્શન વિના વેચવાની મંજૂરી આપશે અને લોકો માટે ઍક્સેસ કરવાનું સરળ બનશે.

શરતો સાથે વેચાણ

આ દવાઓના કાઉન્ટર પર વેચાણને અમુક શરતોને આધીન મંજૂરી આપવામાં આવશે. ઉદાહરણ તરીકે, સારવાર અથવા ઉપયોગની મહત્તમ અવધિ પાંચ દિવસથી વધુ ન હોવી જોઈએ. જો દર્દીને આનાથી રાહત ન મળે, તો તેણે ડૉક્ટરની સલાહ લેવી જોઈએ. સ્વાસ્થ્ય મંત્રાલયે સ્ટેકહોલ્ડર્સને આ અંગે એક મહિનામાં સૂચનો આપવા જણાવ્યું છે. હાલમાં, દવાની દુકાનોમાં આવી ઘણી દવાઓ છે જે ડૉક્ટરના પ્રિસ્ક્રિપ્શન વિના ઉપલબ્ધ છે. પરંતુ અત્યારે OTC દવાઓ માટે કોઈ કાયદો નથી.