થરાદ અને વાવ પોલીસને ચકમો આપીને ફરતા આરોપીની ધરપકડ

બનાસકાંઠા જિલ્લાના થરાદ અને વાવના પોલીસ સ્ટેશનમાં પ્રોહીબિશનના ગુનાના છેલ્લા પાંચ વર્ષથી નાસતા ફરતા આરોપીને થરાદ પોલીસે ઝડપી પાડ્યો હતો.થરાદ પોલીસને મળેલી બાતમી હકીકતના આધારે રાજસ્થાન સાચોરના અસલપુર ગામેથી ઝડપી પાડી કાયદેસરની કાર્યવાહી હાથ ધરી હતી. બનાસકાંઠા પોલીસવડા અક્ષયરાજ મકવાણાએ ગુનાના કામે નાસતા ફરતા આરોપીઓ પકડી પાડવા સુચના કરેલ હોય સી.પી.ચૌધરી ઇન્ચાર્જ પોલીસ ઇન્સપેક્ટર થરાદના માર્ગદર્શન મુજબ થરાદ પોલીસ સ્ટાફના માણસો થરાદ પોલીસ સ્ટેશન વિસ્તારમાં પેટ્રોલીંગમાં હતા. દરમ્યાન મળેલ બાતમી હકીકત આધારે ગામ અચલપુર તા.સાંચોર રાજસ્થાન મુકામેથી થરાદ પોલીસ સ્ટેશનમાં પ્રોહીબિસન તથા વાવ પોલીસ સ્ટેશન પ્રોહીબિસન ના બે ગુનાઓમાં નાસતા ફરતા આરોપી દલપતસિંહ ઉર્ફે દપસા પીરજી રાજપુત રહે.અચલપુર તા.સાંચોર રાજસ્થાનને ઝડપી કાયદેસરની કાર્યવાહી હાથ ધરી હતી.