પાલનપુરમાં મહિલાના ગળામાંથી ચેન ખેંચી ભાગતાં શખ્સો કેમેરામાં કેદ થયા

પાલનપુર પૂર્વ પોલીસમથક વિસ્તારમાં એક મહિલાના ગળામાંથી સોનાની ચેનની તફડંચી કરનાર બે બાઈકચાલકો સીસીટીવી કેમેરામાં કેદ થયા છે.ત્યારે આ બંને શખ્સોનો પત્તો મળે તો તાત્કાલિક પોલીસમથકે જાણ કરવા માટે પોલીસે તાકીદ કરી છે.આમ વિદ્યામંદિર નજીક આવેલ ભવદીપ સોસાયટીમાં ગુરુવાર બપોરના સુમારે બે અજાણ્યા શખ્સો એક મહિલાના ગળામાંથી સોનાના ચેનની તફડંચી કરી હતી.ત્યારે આ અંગે પોલીસે જણાવ્યું હતું કે બંને શખ્સો સીસીટીવી કેમેરામાં કેદ થયા છે જો આ બંને શખ્સો ક્યાંય પણ દેખાય તો તાત્કાલિક પોલીસનો સંપર્ક કરવા જણાવાયું છે.