તારા વિના શ્યામ મને ..રાસ રમવાને વેલો આવજે : પાલનપુરમાં ખૈલાયોઓ મન મુકીને ગરબે રમ્યા

પાલનપુર પોલીસ હેડક્વાર્ટરનાં પીઆઈ બી.કે.જોષીએ જણાવ્યુ હતું કે આજે પ્રથમ નોરતે મા અંબાજીની કૃપાથી જિલ્લા પોલીસ અધિક્ષક અક્ષયરાજ મકવાણાનાં માર્ગદર્શન હેઠળ પોલીસ મિત્રો દ્વારા ગરબાનું આયોજન કરવામાં આવ્યું હતું.

ગરબાના સ્થળ ઉપર 181 અભયમ મહિલા હેલ્પલાઇન, સીસીટીવી દ્રારા બાજ નજર રાખવામાં આવી રહી છે. પોલિસ વિભાગની 108 એમ્બ્યુલન્સ, ડોક્ટર અને સ્ટાફ, સીપીઆરની ટ્રેનિંગ લીધેલ તથા જાણકાર પોલિસ સ્ટાફ પણ હાજર રાખવામા આવ્યો હતો. પાલનપુરમાં આ વર્ષે લાયન્સ ક્લબ દ્વારા નવરાત્રી મહોત્સવનું આયોજન કરાયું છે. જ્યાં પ્રથમ નવરાત્રીએ અંબા આવો તો રમીએ એમને રમતા નાં આવડે ગીત પર ખેલૈયા મન મૂકીને ગરબે ઘુમ્યા હતા