ઉત્તર ગુજરાતમાં આગામી 4 દિવસ વાદળાં વચ્ચે ગરમી ધીમે ધીમે 2-3 ડિગ્રી ઘટશે
ઉત્તર ગુજરાતમાં શનિવારે દિવસભર અનિયમિત દિશાનો પવન ફૂંકાતાં વાતાવરણમાં પલટો આવ્યો હતો અને ગરમી 3 ડિગ્રી સુધી ઘટીને 40થી નીચે આવી હતી. પલટાયેલા વાતાવરણના કારણે મુખ્ય 5 શહેરમાં ગરમી 3 ડિગ્રી સુધી ઘટી હતી. 40 ડિગ્રીથી નીચા તાપમાનના કારણે 3 દિવસ બાદ આકરી ગરમીથી રાહત મળી હતી. પરંતુ ઉકળાટનો કહેર યથાવત રહ્યો હતો. હવામાન વિભાગની આગાહી મુજબ, ઉત્તર ગુજરાતમાં આગામી 4 દિવસ સુધી ગરમી ધીમે ધીમે 2 થી 3 ડિગ્રી ઘટી શકે છે. દરમિયાન વાતાવરણ આંશિક વાદળછાયું રહેવાની શક્યતા છે.
ઉત્તર ગુજરાતમાં ગરમીનો પારો
મહેસાણા | 38.1 |
પાટણ | 38.9 |
ડીસા | 39.8 |
હિંમતનગર | 39.6 |
મોડાસા | 37.8 |