ડીસાના યાવરપુરા ગામના ખેતરમાંથી દારૂની 500 બોટલો ઝડપાઈ

બનાસકાંઠા જિલ્લામાં દારૂની બધી ને અટકાવવા માટે બનાસકાંઠા એલસીબી ની ટીમ દ્વારા સતત પેટ્રોલિંગ કરી અવાર નવાર દારૂનો જથ્થો ઝડપી પાડવામાં આવે છે ત્યારે ગઈકાલે એલસીબી ની ટીમ ડીસા તાલુકા પોલીસ સ્ટેશન હદ વિસ્તારમાં પેટ્રોલિંગમાં હતી તે દરમિયાન ખાનગી બાતમીના આધારે યાવરપુરા ગામના ખેતરમાં રેડ કરી દારૂની 500 બોટલો ઝડપી પાડી એક શખ્સ સામે ગુનો નોંધ્યો છે .

બનાસકાંઠા એલસીબીના કાનસિંહ. નરેશભાઈ . જોરસિંહ .સહિત ની ટીમ ગઈકાલે ડીસા તાલુકા માં પેટ્રોલિંગમાં હતી તે દરમિયાન ખાનગી રાહે બાતમી મળી હતી કે ડીસા તાલુકાના યાવરપુરા ગામમાં આવેલી ખેતરમાં દારૂનો જથ્થો પડ્યો છે અને ત્યાં તેનું વેચાણ કરવામાં આવે છે જેથી તાત્કાલિક એલસીબી ની ટીમે સ્થળ ઉપર જઈ રેડ કરતા ખેતરમાંથી દારૂની 500 બોટલો મળી આવી હતી એલસીબી ની ટીમે 55,773 નો દારૂનો જથ્થો જપ્ત કરી ફરાર આરોપી ભરત ભોમાજી નેણ જાટ રહે યાવરપુરા વાળા સામે પ્રોહિબિશન એક્ટ મુજબ નો ગુનો નોધી તેની શોધખોળ હાથ ધરી છે.