બાયડમાં ત્રણ મકાનમાં તસ્કરો ત્રાટક્યા, લાખોની રોકડ અને દાગીનાની ચોરી
રખેવાળ ન્યુઝ અરવલ્લી : અરવલ્લી જિલ્લામાં ઠંડીનું પ્રમાણ ઘટતાં ચોરોને મોકળું મેદાન મળી ગયું છે. મોડાસા બાદ બાયડમાં પણ તસ્કરોએ હાથફેરો કરી ૬.૫૨ લાખની રોકડ તથા દાગીના ચોરાઈ ગયાના અહેવાલ પ્રાપ્ત થયા છે.
પ્રાપ્ત પ્રાપ્ત માહિતી મુજબ, બાયડની સહજાનંદ સોસાયટીમાં એક વેપારી, સાબરકાંઠા બેંક કર્મચારી સહિત ત્રણ ઘરમાં હાથફેરો કરી તસ્કરો લાખો રૂપિયાની રોકડ તથા દાગીના ચોરી ગયા હતા. બાયડ પોલીસ ‘સબ સલામતની આલબેલ’ પોકારતી રહી અને તસ્કરો બાયડની સહજાનંદ સોસાયટીમાં રહેતા વેપારી કિરીટભાઈ ઉત્તરાયણ મનાવવા પુત્રના ઘરે અમદાવાદ ગયાને મોકળું મેદાન ભાળી તસ્કરો ઘરમાં હાથફેરો કરી ગયા. ઘરમાં ચોરી થયાની જાણ થતાં હાંફળા ફાંફળા દોડી આવી ઘરમાં જાેતાં તસ્કરો કબાટ તોડી ૧૫ હજાર રોકડા અને ૧.૫૦ લાખના દાગીના મળી મળી કુલ ૧.૬૫ લાખનો હાથફેરો કરી ગયા હતા. જ્યારે કિરીટભાઈના ઘર પાછળ આવેલા ઘરમાં રહેતા સાબરકાંઠા બેંક કર્મચારી અનિલભાઈ પટેલના ઘરમાં પણ તસ્કરોએ ૧.૪૦ લાખના દાગીના અને ૩૯ હજાર રોકડાનો હાથફેરો કરી ગયા હતા ગયા હોવાનું જાણવા મળ્યું છે. આજ સહજાનંદ સોસાયટીમાં રહેતા દોલતસિહના ઘરમાં પણ ઘરનો તમામ ફેંંદી નાખી ૨.૬૬ લાખ રૂપિયાના દાગીના અને ૪૨ હજાર રોકડનો હાથફેરો કરી એક જ રાતમાં ત્રણ બંધ મકાનમાં હાથફેરો કરી કુલ રૂપિયા ૬.૫૨ લાખની રોકડ તથા દાગીના ચોરી થતાં બાયડ શહેર તથા તાલુકામાં ગભરાટ ફેલાઇ ગયો છે. બાયડ શહેરમાં પોલીસે સજાગ થઈ પેટ્રોલીંગ વધારવા માંગ ઉભી થઈ છે.