પાલનપુર : બનાસકાંઠા જિલ્લાના તત્કાલિન જિલ્લા પોલીસવડા અને આઇપીએસ અધિકારી સંજીવ ભટ્ટને રાજસ્થાનના નાર્કોટિકસના ગૂનામાં પાલનપુર સબજેલમાં રાખવામાં આવ્યા છે. જેમને ગુરૂવારે પાલનપુર સિવિલ હોસ્પિટલમાં ચેકઅપ માટે લાવવામાં આવ્યા હતા.
બનાસકાંઠા જિલ્લાના તત્કાલિન જીલ્લા પોલીસવડા અને આઇપીએસ અધિકારી સંજીવ ભટ્ટની રાજસ્થાનના નાર્કોટિકસના ગૂનામાં અમદાવાદ ક્રાઇમ બ્રાંચે ધરપકડ કરી હતી. જે કેસ પાલનપુરની કોર્ટમાં ચાલી રહ્યો છે. જેમની જામીન અરજી પાલનપુર અને અમદાવાદની કોર્ટે ફગાવતાં તેમને વર્તમાન સમયે પાલનપુર સબજેલમાં રાખવામાં આવ્યા છે. દરમિયાન બુધવારે તેમને પાલનપુર સિવિલ હોસ્પિટલમાં મેડીકલ ચેકઅપ માટે લાવવામાં આવ્યા હતા. અત્રે ઉલ્લેખનીય છે કે, હમણાં જ ૧૯૯૦ના જામજોધપુર કસ્ટોડિયલ ડેથ મામલે સંજીવ ભટ્ટને આજીવન કેદની સજા ફટકારાઈ છે.
