02744-220264, 222764       rakhewal@gmail.com
Rakhewal Daily
Rakhewal Daily
Rakhewal Daily
Rakhewal Daily
Rakhewal Daily
Rakhewal Daily
Rakhewal Daily
Home / Banaskantha / નાંદોત્રાની યુવતીના હત્યારાનું મકાન સળગાવવામાં આવતાં ચકચાર

નાંદોત્રાની યુવતીના હત્યારાનું મકાન સળગાવવામાં આવતાં ચકચાર   24/06/2019

વડગામ તાલુકાના નાંદોત્રા ગામે ખેતરમાં રાખેલા ભાગીયાએ કુ-દ્રષ્ટિ રાખી ખેતર માલિકની પુત્રીની ધોળા દિવસે ચપ્પાના ઘા ઝીંકી નિર્મમ હત્યા કરતાં ચકચાર મચી જવા પામી હતી. પોલીસે ગણત્રીના કલાકોમાં હત્યારા શખ્સને ઝડપી લીધો હતો. દરમિયાન આ આરોપીના ખરોડીયા ગામે આવેલા ત્રણ મકાનને કોઇ અજાણ્યા શખ્સોએ સળગાવતાં ચકચાર મચી જવા પામી. છે.
 
નાંદોત્રા ગામના ખેડૂત મોઘજીભાઇ વીરસંગભાઇ ચૌધરીએ તેમના ખેતરમાં કામ કરવા માટે ખરોડીયા ગામના રાહુલ દશરથભાઈ ભરથરીને ભાગીયા તરીકે રાખ્યો હતો. જે મોઘજીભાઇની દીકરી મેઘના ઉપર કુદ્રષ્ટિ રાખતો હતો. આ શખ્સે એક તરફી પ્રેમમાં તાજેતરમાં મેઘનાના ગળાના ભાગે ઘા મારી નિર્મમ હત્યા કરી હતી. 
 
આ અંગે મોઘજીભાઇ વીરસંગભાઈ ભટોળે ફરિયાદ નોંધાવતાં પોલીસે ગણત્રીના કલાકોમાં જ હત્યારા નરાધમને ઝડપી લઇ જેલના સળીયા પાછળ ધકેલી દીધો હતો. દરમિયાન હત્યારાને ફાંસીની સજા આપવા માટેની માંગ વચ્ચે ખરોડીયા ગામે આવેલા તેના પરિવારના ત્રણ મકાનને અજાણ્યા શખ્સોએ આગ ચાંપતા ભારે ઉત્તેજના પ્રસરી જવા પામી હતી. આ અંગે સૂત્રોએ જણાવ્યું હતુ કે, મકાનોને અંદરના ભાગેથી આગ ચાંપવામાં આવી હતી. જેમાં પડેલી ઘરવખરી બળીને ખાખ થઇ ગઇ હતી.

Tags :