બનાસકાંઠા લોકાસભા બેઠકની ચુંટણીનો પ્રચાર વેગવંતો બન્યો છે તેમાં રાષ્ટ્રીય નેતાઓની જેમ સ્થાનિક નેતાઓ પણ ગમે તેવા શબ્દપ્રયોગ કરવામાં પાછીપાની કરતા નથી. ત્યારે ધાનેરા તાલુકાના થાવર ગામે યોજાયેલ કોંગ્રેસની જાહેર સભામાં ધાનેરાના ધારાસભ્ય નથાભાઈ પટેલે બફાટ કર્યો હતો. તેઓએ કહ્યું હતું કે પોટલી કે રૂપિયા આપે તો લઇ લેવા પણ વોટ તો પંજાને આપજો. તેમના આ વિવાદિત નિવેદનને પગલે જિલ્લાભરમાં ચર્ચા જાગી છે.