ડીસામાં ૨૫૦ થી વધુ જગ્યાએ ‘શ્રી’ ની સ્થાપના
ડીસા
ડીસામાં ગણેશ ચતુર્થીનો મહિમા દિન પ્રતિદિન વધી રહ્યો છે જેમાં સાર્વજનિક ગણેશોત્સવનો ક્રેઝ વધુ છે. આ વખતે ડીસામાં ૨૫૦ કરતાં પણ વધુ સ્થળોએ સાર્વજનિક ગણેશોત્સવનું આયોજન કરવામાં આવ્યું છે. આ વર્ષે ઇકો ફ્રેન્ડલી પ્રતિમાની જ વધુ સ્થાપના થઇ છે.
ડીસામાં શ્રી ગણેશ ઉત્સવની છેલ્લા કેટલાય દિવસોથી તૈયારીઓ ચાલતી હતી. આ વર્ષે ઇકોફ્રેન્ડલી પ્રતિમાનો જ ક્રેઝ જોવા મળી રહ્યો છે અને મોટી સંખ્યામાં ઇકોફ્રેન્ડલી પ્રતિમા શહેરના મોટાભાગના પંડાલોમાં સ્થાપિત થઇ છે. આ વર્ષે સમગ્ર ડીસામાં ૨૫૦ કરતાં વધુ સાર્વજનિક ગણેશોત્સવનું આયોજન કરવામાં આવ્યું છે.ગુજરાતમાં સાર્વજનિક ગણેશોત્સવનો ક્રેઝ પણ વધી રહ્યો છે. ત્યારે આ વર્ષે સાર્વજનિક ગણેશોત્સવ બનાસકાંઠામાં ડીસામાં સૌથી વધુ યોજાઇ રહ્યાં છે. ખાસ કરીને માટીની તેમજ વિવિધ કલાત્મક પ્રતિમાઓની સ્થાપના ગણેશ મંડળો કરી રહ્યાં છે.