02744-220264, 222764       rakhewal@gmail.com
Rakhewal Daily
Rakhewal Daily
Rakhewal Daily
Rakhewal Daily
Rakhewal Daily
Rakhewal Daily
Rakhewal Daily
Home / રાષ્ટ્રીય / ઇંદોરની 14 વર્ષની અંજલિ થઇ બ્રેઇનડેડ, માતા-પિતાએ દીકરીના અંગોના દાનનો નિર્ણય લઇને બચાવી 3 લોકોની જીંદગી

ઇંદોરની 14 વર્ષની અંજલિ થઇ બ્રેઇનડેડ, માતા-પિતાએ દીકરીના અંગોના દાનનો નિર્ણય લઇને બચાવી 3 લોકોની જીંદગી   13/08/2018

રોડ અકસ્માતનો શિકાર થયેલી 14 વર્ષની અંજલિ તલરેજાએ અંગદાનની એક નવી મિસાલ કાયમ કરી છે. ડોક્ટરોએ અંજલિને બ્રેઇનડેડ જાહેર કરી દીધી હતી. ત્યારબાદ માતા-પિતાએ એક સાહસિક નિર્ણય લઇને તેના લીવર અને બે કિડનીઓનું દાન આપવાની ઇચ્છા દર્શાવી.
 
રવિવારે ગ્રીન કોરિડોર બનાવવામાં આવ્યો અને ત્રણ દર્દીઓને લીવર અને કિડનીઓ લગાવવામાં આવ્યા. શહેરમાં 34મી વખત આવો ગ્રીન કોરિડોર બન્યો હતો. શક્યતઃ આ બીજો મામલો છે, જ્યારે નાની ઉંમરમાં કોઇના અંગો દાન કરવામાં આવ્યા હોય.
 
બાળકીના માતા-પિતાએ એક સાહસિક નિર્ણય લઇને અંગદાનની ઇચ્છા દર્શાવી. લીવર તેમજ બંને કિડનીઓ ઇંદોરની જ હોસ્પિટલના બે દર્દીઓમાં પ્રત્યાર્પિત કરવામાં આવી. આ મળીને શહેરમાં કુલ 34 વખત કેડેબર ઓર્ગન ડોનેશન થઇ ચૂક્યું છે.
 
અંજલિ તલરેજા એક રોડ અકસ્માતમાં ઘાયલ થઇ ગઇ હતી. પરિવારજનોએ તેને ઇંદોરની શેલ્બી હોસ્પિટલમાં દાખલ કરી. અહીંયા ડોક્ટરોએ બાળકીને બ્રેઇનડેડ જાહેર કરી. ત્યારબાદ શેલ્બી હોસ્પિટલમાં બે ગ્રીન કોરિડોર બનાવવામાં આવ્યા.
 
પહેલો કોરિડોર લીવર માટે સીએચએલ હોસ્પિટલ સુધી અને બીજો કિડની માટે ચોઇથરામ હોસ્પિટલ સુધી બનાવવામાં આવ્યો. એક કિડની શેલ્બી હોસ્પિટલમાં જ પ્રત્યારોપિત (ટ્રાન્સફર) કરવામાં આવી. આ કિડની એક હાર્ટપેશન્ટને ટ્રાન્સફર કરવામાં આવી છે.
 
ઇંદોર સોસાયટી ફોર ઓર્ગન ડોનેશનના ડૉ. સંજય દીક્ષિતે જણાવ્યું કે દર્દીનું હૃદય હાર્ટ ટ્રાન્સપ્લાન્ટેશન સર્જરી માટે અનુકૂળ ન હતું, એટલે તે લઇ શકાયું નહીં. લીવર અને કિડનીઓ રોસ્ટર પ્રમાણે, ત્રણ દર્દીઓને શહેરની જ હોસ્પિટલ્સમાં ટ્રાન્સફર કરવામાં આવી.
 
મુસ્કાન ગ્રુપના જીતુ બગાનીએ જણાવ્યું કે અમને શેલ્બી હોસ્પિટલથી સૂચના મળી કે બ્રેઇનડેડ દર્દી છે. ત્યાંના ટ્રાન્સપ્લાન્ટ કો-ઓર્ડિનેટરના સહયોગથી અમે પરિવાર સાથે વાત કરી. તેઓ માની ગયા. 
ઇંદોર સોસાયટી ફોર ઓર્ગન ડોનેશનના સહયોગછી ઓક્ટોબર 2015થી અંગદાન અભિયાન શરૂ થયું હતું.

Tags :