પાલનપુર : બનાસકાંઠા ભૂસ્તર વિભાગ દ્વારા પાલનપુર અને ડીસામાં ઓચિંતી તપાસ હાથ ધરવામાં આવી હતી. જ્યાંથી ખનિજ અને રોયલ્ટીની ચોરી કરતા બે ડમ્પર ચાલકોને ઝડપી લઇ કાયદેસરની કાર્યવાહી હાથ ધરવામાં આવતા ભૂમાફીયાઓમાં ફફડાટ પ્રસરી ગયો છે.
બનાસકાંઠામાં કેટલાક શહેરમાં ભૂમાફીયાઓ દ્વારા રાત્રી દરમીયાન રોયટી તેમજ ખનિજની ચોરી કરવામાં આવતી હોવાની ફરીયાદો ઉઠી હતી.જેના પગલે જિલ્લા ભૂસ્તર શાસ્ત્રી સુભાષ જાષી દ્વારા સ્ટાફના મેહુલ દવે સહીતના સ્ટાફ દ્વારા પાલનપુર અને ડીસામાં રાત્રી દરમિયાન ઓચિંતુ ચેકીંગ હાથ ધરવામાં આવ્યુ હતુ. જ્યાંથી પાલનપુર અને ડીસામાંથી રોયલ્ટી અને ખનિજની ચોરી કરતા બે ડમ્પરો મળી આવ્યા હતા. જેથી બંન્ને ડંમ્પરોને ઝડપી દંડાત્મક કાર્યાવાહી હાથ ધરવામાં આવતા અન્ય ભૂમાફીયાઓમાં ફફડાટ પ્રસરી ગયો છે.